#روايات و#قصص #عراقيه #واقعيه

طول الطريق الصمت سيد الموقف الى ان وصلنا كعدت نزلت كدامنه ردت انزل بس الي وقفني منظر درغام وكفت يم باب سيارته ..
-حنين: شبيك درغام
باوعلي بتعب عاكد حاجبه سحبت الجكارة منه ذبيتها وهُوَ على سكته ..
- شبيكم لا تخوفوني من ساعه مابيكم شي
عدل كعدته بس مبين بيه شي ..
- مابيه شي شويه دخت روحي الاختج
- وانتَ
- راجع للبيت لا تخافين روحي الاختج تعبانه خليج يمها لا تعوفينها
هزيت راسي صرت امشي وعيوني على سيارته گلبي ممرتاح لشكله حرك بسيارته وطلع دخلت للبيت غياهب متمدده على القنفه الي بالصاله كعدت حيل مابيه احس تعبت من كلشي بس الي يهونها كل هذه اختبارات من رب العالمين ينطيها للبشر يختبر مدى صبره باوعت لغياهب الي مغمضه عيونها بس تهز برجلها وهنا الحاله اكدتلي اكو شي لان من تعصب وتكتم عصبيتها تصير سولتها تهز برجلها ..
- شلون صرتي
- احسن
- ليش اجتج الحاله ماجان بيج شي
ماجاوبتني بقت ساكته ماضغطت عليها عفتها براحتها دخلت لغرفتي جسمي نار من حركة گلبي اخذت ملابس وطلعت احنه عندنه حمام فوك يم غرفنا ماعندنه دخل غرفنا سبحت طولت جوه الماي بس اريد ارتاح تعبانه بس تعبي نفسي مو جسدي ..
كملت ولفيت شعري بدون ما امشطه مالي خلك اسوي اي شي شفتها كاعدة وتكتب بجهازها بس عروك كصتها تريد تطك من كد مامعصبه وتكتب سريع عاضه على شفتها ومستمرة ..
2
كعدت ساكته اراقب حركاتها مبينه تكتب شي مهم ماطولت بهل الشي وانه اشوفها شمرت الجهاز بالحايط توسعت عيوني من تصرفها وهيه تصيح ..
1
-غياهب: كاااااافيييييي
ويا عيطة صوتها دخل ابويه باوعلنه بأستغراب صارت عيونه على الجهاز الي اتفلش تقدم ناحية غياهب الي تحسها فاصله عنه بسبب اعصابها التلفانه ..
-سلطان: غياهب بابا شبيج
ماجانت كلمات عاديه بالنسبة الها كأنما جانت محتاجه هل الجمله انفجرت بنوبة بكاء خلتنا نصفن لان هيه كل اطباعها صعبه حتى البجي مو بسهوله تبجي حضنت ابويه صارت تبجي من اعماق قلبها ..
17
صرنه انه وياه صافنين بوجه بعض ماشايفينها قبل بهل الوضع وهيج حاله بقى ابويه ساكت عافها براحتها حاضنها لصدره بين ماهدئت راح صوت بكائها رحت دخلت للمطبخ وكلي ارجف من وضع اختي شنو الشي الي موصلها لهل المرحله المزريه ..
اخذت كلاص ماي اخذه بابا مني شربها رجعت ضمت وجها بصدره هادئه بس تحسها تريد تضم روحها بداخل ابويه مسح على شعرها بحنيه ..
-سلطان: ارتاحيتي
هزت براسها بمعنى اي ..
- شبيها الحلوة ليش هل البجي منو يستاهل تنزلين دمعه من عيونج عليه
ردت بصوت مخنوك ..
-غياهب: انتم تستاهلون
ضحك ابويه يلطف الجو ..
- وين احنه عنج قابل طايرين هاي مكابلينج
دك جهاز ابويه شلته باوعت للشاشه خالي جابر نغزني گلبي وشعوري ما ادري شلون صار اتجاهلت هل الشي وانطيته الابويه وكفت اراقب ملامح ابويه الي تغيرت مافهمنا شي غير من گال ..
2
-سلطان: جايك جابر جايك
بلعت ريكي بخوف حجيت بتسائل ..
-حنين: خير بابا شبيه خالي
- مابيه شي بس درغام تعبان عندهم انه رايح الهم
مالحكت اسئل شي طلع بسرعه كعدت منهاره لزمت ايديه غياهب الي كل وضعها تعبان شكد كرهت هذه اليوم وكرهت كلشي صار بيه ..
-غياهب: كومي بدلي نروحلهم ان شاء لله ماكو شي
صعدت لغرفتي بدلت شلون ماجان نزلت شفتها واكفه وصافنه فزت من صفنتها من شافتني ..
- هـا كملتي
- اي
طلعنه بسيارتها همه هم بنفس المنطقة احنه كلنه بمنطقه وحدة بس فرق افرع بينه ماطولنه واحنه ندخل بفرع بيت خالي والي هد حيلي اكثر من شفت سيارة الاسعاف واكفه ..
10
نزلت رجليه خيوط من الخوف بابا كال تعبان ماكال حالته لهلدرجه توصل للاسعاف همستلي غياهب وهيه تلزم بيه ..
- خليج هادئه لاتفضحين نفسج
- ولج شوفي سيارة اسعاف يعني وضعه مو بخير
طلعو من بيت خالي مخلين درغام بالسديه مال الاسعاف ماكو اي ردت فعل منه واسمع خالتي تبجي وتصيح ابني راح يروح مني مشت سيارة الاسعاف بسرعه التفتت الاختي ..
- فدوه خلينه نروح وراهم
- لا حنين مو مال نروح وراهم شوفي الوضع تعاي نشوف خاله بقت وحدها خطيه
سحبتني جبر عني وعيني وراهم بقت دخلنه للبيت خالتي منتهيه ركضنه عليها كومناها من الكاع نزلت دموعي وانه افرك بايدها ..
-حنين: خاله فدوه شصاير ليش هيج صار شبيه درغام
نضرتلي بنضرات عتب اي نضراتها جانت الي عتب اكدتلي الي صار انه السبب بيه ردت بتعب ..
1
-جوهره: صارله فترة ماياكل مثل العالم كاضيها جكاير يطحن بروحه طحن
10
-غياهب: ان شاء لله مابيه شي حبيبتي ادعيله انتِ دعاء الام لضناها مستجاب خليج متفائله
1
مرت ساعات نتصل محد يجاوبنا اندك الباب راحت غياهب تفتحه دخل خالي عمران يسئل شصاير حجتله خالتي وگال رايح وراهم حتى خطيه جان بملابس الدوام مالته يكول وانه راجع لبيتي واحد من الجيران ملاكي وكايله واجانه كله خوف وقلق ..

www.tg-me.com/fr/روايات وقصص عراقيه واقعيه/com.bnkck/52872

968 viewsㅤㅤㅤㅤㅤㅤ, May 22 at 18:04

tg-me.com/bnkck/52872

Create: 2024-05-22
Last Update: 2024-06-24 22:21:47

BY #روايات و#قصص #عراقيه #واقعيه

Warning: Undefined variable $i in /var/www/tg-me/post.php on line 283

Share with your friend now:
tg-me.com/bnkck/52872

Open in Telegram

روايات وقصص عراقيه واقعيه Telegram | DID YOU KNOW?

Date: 2024-06-24| روايات وقصص عراقيه واقعيه

For some time, Mr. Durov and a few dozen staffers had no fixed headquarters, but rather traveled the world, setting up shop in one city after another, he told the Journal in 2016. The company now has its operational base in Dubai, though it says it doesn’t keep servers there.Mr. Durov maintains a yearslong friendship from his VK days with actor and tech investor Jared Leto, with whom he shares an ascetic lifestyle that eschews meat and alcohol.

The seemingly negative pandemic effects and resource/product shortages are encouraging and allowing organizations to innovate and change.The news of cash-rich organizations getting ready for the post-Covid growth economy is a sign of more than capital spending plans. Cash provides a cushion for risk-taking and a tool for growth.

روايات وقصص عراقيه واقعيه from fr

Telegram #روايات و#قصص #عراقيه #واقعيه
FROM USA